BMU-nun Xarici dil kafedrasının müəllimi, dosent Kənan Bəşirov Türkiyənin Hacəttəpə Universitetində ezamiyyətdə

BMU-nun Xarici dil kafedrasının müəllimi, dosent Kənan Bəşirov Türkiyənin Hacəttəpə Universitetində ezamiyyətdə
Aytac Ağayeva | 08 Jun 2018 17:33 | Baxılıb: 49

 ERASMUS + KA1 Mübadilə Proqramı çərçivəsində Avropa və Türkiyənin müxtəlif universitetləri ilə  əməkdaşlıq edən Bakı Mühəndislik Universiteti həmçinin, Türkiyənin Hacəttəpə Universiteti ilə də geniş əlaqə imkanlarına sahibdir.  Qeyd edək ki, artıq universitetimizin Pedaqoji kafedrasının 5 tələbəsi tələbə mübadilə proqramından istifadə edərək 2017-2018-ci tədris ilinin yaz semestrində Hacəttəpə Universitetində öz təhsillərini davam etdirirlər.

10.05–19.05.2018-ci il tarixləri arasında BMU-nun Xarici dil kafedrasının müəllimi, dosent Kənan Bəşirov “ERASMUS + KA1” proqramı çərçivəsində Türkiyənin Hacəttəpə Universitetinə 10 günlük ezam olunaraq “akademik heyətin mübadilə proqramında” iştirak etmişdir. Özünün də İstanbul Universitetinin məzunu olduğunu qeyd edən Kənan müəllim ezamiyyət müddətində gördüyü işlərdən yazır:

 

“İxtisasımla əlaqəli cəmdə 13 saatlıq Çağatay türkçəsi, Müasir türk dilləri (özbək), Türkiyə türkçəsi (sintaksis) dərslərini keçdim, “Azərbaycan və Türkiyədəki ortaq yer adları” mövzusunda  seminar verdim. Bundan başqa, ERASMUS + KA1 proqramı çərçivəsində Hacəttəpə universitetində təhsil alan “Xarici dil” kafedrasının beş tələbəsinin seminarlarında iştirak etdim, bu universitetin Türk dili və ədəbiyyatı kafedrasının müəllimləri ilə fikir mübadiləsi apardım.”

 

Həmçinin Kənan müəllimin özünün də qeyd etdiyi kimi hal-hazırda Hacəttəpə Universitetində mübadilədə olan BMU tələbələri ilə görüşmüş və tələbələrlə Türkiyədəki təhsilləri barəsində danışmış və  birlikdə xatirə şəkili çəkdirmişlər.

 


BMU-nun Xarici dil kafedrasının müəllimi, dosent Kənan Bə...

ERASMUS + KA1 Mübadilə Proqramı çərçivəsində Avropa və Türkiyənin müxtəlif universite ətraflı oxu »

Hacəttəpə professorlarının ezamiyyət müddətində BMU-da fə...

13 – 26 May tarixləri arasında Eramus+ KA107 proqramı daxilində Bakı Mü ətraflı oxu »

BMU-nun tələbəsi UGRAD proqramının 3 qalibindən biri oldu...

Əsası 1992-ci ildə ABŞ Konqresi tərəfindən qoyulan Qlobal Tələbə Mübadilə Proqramı (UGRAD) Amerika Birləşmiş ətraflı oxu »

BMU müəllimi Almaniyanın Koblenz Universitetində...

Bakı Mühəndislik Universiteti Erasmus + Mübadilə proqramı çərçivəsində Slo ətraflı oxu »